VOV4.M’nông-  Ôi nar 2/3, ta xã n’har bri Krông Na, nkuăl Buôn Đôn, đoàn n’gor Dak Lak n’hanh đoàn n’gor Lâm Đồng tâm rgop ƀư bôk nău kan khay pe n’har bri năm 2022 đah bôk nău “N’har bri neh dak gâp”. Yor geh nău khuch tât bâh nuh srê, bôk nău kan geh ƀư gleh đah âk nău kan khlăy.

Bôk nău kan khay pe n’har bri bâh mom ndăm 2 n’gor Dak Lak n’hanh Lâm Đồng geh ƀư đah âk nkô̆ nău na nê̆, khlăy kơt lah: ƀư tĭng bôk nău kan mpoh ang trong n’har bri ta nkual di tích lịch sử ngih dak ngăn lah ta ntŭk hăn đah tê̆ dak me Sêrepôk, dăch ntŭk đah pôih tahen n’har bri Sêrêpôk pah kan. Rdâk njêng nău kan trong tŏ dak hoch êng an mir tăm bâh mom ndăm ta pôih tahen n’har bri Sêrêpôk. Pă ndơ an ăp tahen n’har bri dôl pah kan ta nkual n’har bri. Pă 20 nklâm học bổng bôk nău kan n’hao joat jâng an oh tât ngih nti an kon hoc xã Krông Na n’hanh pă an 150 cờ ngih dak an nuĭh ƀon lan buôn Drang Phôk, xã Krông Na, nkuăl Buôn Đôn. Lĕ rnoh prăk ăp nău kan lah rlău 100 rkeh prăk.

Nuĭh rblang: Thị Đoắt