Báo Nhân Dân dŭt pơh (Ntơ bôk năp lah Nhân Dân Chủ nhật) lah n’ha báo dŭt pơh bôk năp bâh báo chí cách mạng Việt Nam.

Tâm lĕ 35 năm ba năp, n’hao báo way hăn ndrel đah nău nchŏng kan, nău mpŏng kan bâh du ntŭk kan báo Đảng hăn ndrel đah nău leo kan, rgâl mhe trong kan mbơh nău gay ma mô rlu ƀư lôch nău mpŏng hun hao, njêng nău ueh, lah na nê̆ trong kan ndrel đah trong hăn an tâm di, săk rnglăy..Kơp dơn rnê nsơm nău geh dơi 35 năm ba năp bâh Báo Nhân dân dŭt pơh, đồng chí Trương Thị Mai đă tâm let năp tay, đah nău kan khlăy bâh nơm, Báo Nhân dân an geh nsrôih mô rlu hăn lor bôk năp tâm nău kan mbơh tơih trong hăn nău ntrŭnh bâh Đảng, nkoch mbơh ăp nău ueh mhe, ndâk nsơm nău rŏng dak, soan dăng tâm rnglăp, ntop rdâk njêng neh dak têh kuăng, n’hao rup ueh nău knơm Việt Nam đah lam ntur neh.