Ta Ngih Trung ương Đảng, đồng chí Trương Thị Mai, Rnâng kan Ban Bí thư, Kruanh Ban Tổ chức Trung ương lĕ ƀư tơm Rƀŭn nchră đah Mpôl đại biểu Đảng he n’hanh Mpôl đại biểu Đảng Cách mạng (CCM) djôt bôk ta Tanzania yor wa Áp-đun-ra-ma Ô-ma Ki-na-na, Groi Kruanh Đảng CCM leo trong. Đồng chí Trương Thị Mai lah rjăp Việt Nam răm rhơn uănh saơ ăp nău geh ma Tanzania dơi geh đah nău rđău bah Đảng CCM hun hao wăng sa, jŭt n’hŭch ach o, geh âk nău rgop an nău ndâk njêng du nkual Đông Phi tâm rnglăp, đăp mpăn n’hanh hun hao.

Tâm mông nar dăch dêh, 2 ding tâm ban ŭch rhăt jăp lơn tay tâm boh đah 2 đảng, n’gâng tơm chính trị nâp nâl gay ntrôl tâm boh ăp ding. Kruanh 2 đảng tâm ban ŭch ntrôl dăng tâm rgâl lý luận n’hanh thực tiễn ntĭm rđău neh dak; n’hao kan ndrel ntĭm nti n’hanh ntop tay cán bộ; nta nơih an ăp nău ƀư tăch rgâl, ntuh kơl; ntrŭt nsôr kan ndrel văn hóa, tâm nđŭr nuĭh ƀon lan. Yor nău uĕh bah ăp đảng, ăp dak yor đăp mpăn, kan ndrel n’hanh hun hao