Ta nkuâl n’har bri Buôn Đôn ƀư âk  nău kan đăp mpăn lam rêh jêng kon nuĭh rƀŏng tât nuĭh ƀon lan n’har bri n’hanh tahen n’har bri tă bah Tỉnh Đoàn Dak Lak ƀư,  mpeh bôk nău kan khay pe n’har bri n’hanh luh kan khay druh ndăm năm 2024.

Đah nkô̆ “Druh ndăm dâk leo êng yor nău rêh nsum  mpôl lam ƀon lan”, bôk nău kan geh âk ntil ndơ ƀư kơt: But săm, phăt dơm dak si an nuĭh ƀon lan buôn Drang Phốk, xã Krông Na; kơl học bổng Kon mât n’har bri; kơl an ndeh wah jâng an kon se nti blău; kơl tơm prăk ntơm njêng nău kan an druh ndăm; ntơm ƀư 1 mblâm jay rŏng nuĭh n’hanh 1 mblâm jay ăch chrach an ăp kon se. Ƀư luh kan ăp mpôl druh ndăm hăn râng êng ƀư “bom găr ntil”, rgâl mbrô n’hanh đăp mpăn hăn ntung trong. Ntop kơl tơm ndơ  ƀư ndah rup Wa Hồ đah tahen n’har bri….Ndrel đah nê, tâm rnôk dja, Tỉnh Đoàn Dak Lak hŏ  pă an 20 bản đồ “N’hao êng săk du njok neh dak” an Bri mât Yok Đôn n’hanh ăp pôih n’har bri kơt: Yok Đôn, Bo Heng n’hanh Sêrêpốk. Hăn khâl, pă nklâm ndơ rnăk  tahen dôl hăn pah kan ta n’har  bri. Lĕ rngôch tơm prăk  dŏng ƀư lah rlău 400 rkeh prăk./.