Ta Nghĩa trang Liệt sĩ n’gor, Tỉnh đoàn Dak Lak ƀư bôk nău kan Lễ mpoh ŭnh jrêng nkah gĭt ăp tahen ơm dăng janh khĭt tâm lơh tâm su kăl e nơh. Bôk nău kan geh nău tât râng bah ntơh măt Trung ương Đoàn TNCS Hồ Chí Minh, kruanh rđău kan n’gor, ăp n’gâng kan, nhih pah kan n’hanh bơi 2.000 đoàn viên druh ndăm ăp rnoi nuĭh Dak Lak. Tâm mông nar huêng khlay bah rơh lễ, Kruanh rđău kan Tỉnh đoàn Dak Lak mbơh bah năp huêng bah ăp nuĭh tahen ơm khĭt ăp nău dơi hŏ geh tâm pơh “Nkah gĭt n’hâm suan”, “ngêt dak kah gĭt tu tơm” bah druh ndăm lam n’gor.

Tĭng nê, druh ndăm Dak Lak hŏ ƀư chop khâl, pă nklâm ndơ rlău 2.700 nklâm ndơ an ăp rnăk dơi kơl, rnăk tahen ơm rmanh- kop ji, Me Việt Nam dăng janh đah rnoh khlay rlău 800 rkeh prăk. Rgum rlău 500 đoàn viên druh ndăm ntop kơl, rgŏ jă nkra jay an rnăk dơi kơl, tahen ơm rmanh, rnăk wâl tahen ơm khĭt, rnăk geh n’hâm suan đah cách mạng; rlău 3.000 tơ̆ đoàn viên druh ndăm râng mât chăm ăp nghĩa trang liệt sĩ. Lôch nê, ăp nuĭh ntơh măt ndrel đoàn viên druh ndăm hŏ chŭn mbah n’hơr an kao si, mpoh nhang n’hanh mpoh ŭnh jrêng ta ăp môch tahen ơm khĭt tâm Nghĩa trang liệt sĩ n’gor.