Đah trong way ƀư “Nuĭh săch, nâp nuĭh nĕ”, năm 2024, Hội đồng nghĩa vụ tahen ăp gưl ta n’gor Lâm Đồng lĕ ntơm uănh săch, uănh tĭng nuĭh gay săch ăp druh ndăm ntoh lư ƀư hăn tahen, đăp mpăn rnoh an, uĕh dăng n’hanh tâm di đah nău đă mpeh ndâk njêng tahen tâm nu nău mhe. Tâm nĕ, druh ndăm geh soan ngăch dăng 1 n’hanh 2 geh rlău 64%; rnoh druh ndăm nti trung học phổ thông geh 36%; trung cấp, cao đẳng n’hanh đại hopcj lah 7,5%.

Tâm rnoh aơ, geh 22 tahen mhe lah đảng viên, bơi 34% tahen mhe lah oh kon ăp rnoi mpôl đêt. Ndrel đah ăp druh ndăm ƀư tĭng nău kan tahen, rơh aơ âk druh ndăm ntoh lư n’gor Lâm Đồng lĕ hăn trong ƀư tahen công an. Ta nar ƀư jao dơn tahen, kruanh n’gor Lâm Đồng n’hanh ăp nkuăl, nkual ƀon têh tâm n’gor lĕ an nkao, ntrŭt nsôr ăp tahen mhe mât uĕh nău way ơm janh dăng bah rnoi nuĭh, hăn tĭng nô che hăn trong ƀư nău kan têh đah Neh dak. Ta năp nĕ, ăp ntŭk bah n’gor Lâm Đồng ƀư hội trại njŭn tahen; khâl, an ndơ n’hanh ntrŭt nsôr ăp tahen mhe.