VOV4.M'nông: Lam nkual Tây Nguyên aƀaơ geh nklăp 2.000 n'glău dak bât. Geh ma nău roh đăp mpăn ăp n'glău dak bât tâm  khay mih dak bŭk hŏ dơi Bộ Nông nghiệp n'hanh Phát triển Nông thôn mbơh njrăng lor âk năm aơ. Tâm rơh hăn ôp uănh n'glău dak bât ta Tây Nguyên mhe aơ, wa Nguyễn Văn Tỉnh, Tổng cục trưởng Tổng cục Thuỷ lợi an gĭt, ta âk n'gor, tâm khay mih dak bŭk, ta ăp n'glău dak bât mhe nkoch tât nău ndjoh dak bŭk ngăn dơm, ndjoh tĭng weh ƀư ma mô hŏ mĭn tât nkhêp geh pling dak bât.

Tâm rnôk nê, lĕ rngôch ăp n'glău dak bât dôl tâm nô nău mbơh njrăng lor roh đăp mpăn da dê, lơn lah ăp n'glău dak bât dơi bât ma neh hŏ âk năm. Aơ lah nău dŭt klach rvê tâm khay mih dak bŭk n'hanh ăp n'gor Tây Nguyên ân njrăng. Tâm rnôk kâp prăk bah Trung ương gay nkra têh hvi tay, ăp  n'gor tâm nkual ân lor nchrăp tĭng ƀư ăp trong mât đăp mpăn n'glău dak bât gay ơm năl saơ n'hanh ndơ̆ luh ăp nău mbơh njrăng lor năn ngăch an nuĭh ƀon lan./.

Nuĭh rblang: Điểu Thân