VOV4.M’nông- Nar 13/3, ăp n’gâng kan, ntŭk kan ndơn kan bâh Việt Nam geh tât lĕ ƀư geh 2 bôk ndeh păr ndơ̆ 600 nuĭh ƀon lan Việt Nam n’hanh rnăk vâl ntrơn du bâh Ukraine tât Ba Lan n’hanh Rumani sĭt dak nơm đăp mpăn. Tâm nĕ geh 138 oh kon se bâh 3 khay tât 18 năm deh, 70 nuĭh âk năm deh ndrel âk bu ur geh bŭn n’hanh nuĭh geh nău ji. Mô đê̆ nuĭh lĕ geh tât 30 năm gŭ rêh, pah kan, rdâk njêng nău kan ta Ukranie. Plơ̆ sĭt tâm nău tâm lơh tâm su, âk nuĭh mô hôm geh săm ƀŭt mbơh tơih tâm săk jăn, mô hôm geh visa, mô hôm geh hộ chiếu. Yơn lah ăp n’gâng kan lĕ đă ntŭk kan dơi kan ta tach ndeh păr kơl mbơh tơih ngăch, uănh năl gay ma pă tay ăp ntil săm ƀŭt khlăy.

Nuĭh rblang: Thị Đoắt