VOV4.M’nông- Vơt tĭng khay mom ndăm, mom ndăm n’gor Gia Lai dôl geh âk nău pah kan na nê̆, mpơl nău mĭn hăn kan lor, tâm kơl, mĭn kan. Khay mom ndăm năm 2022, Đoàn n’gor Gia Lai ƀư tĭng âk nău kan ntoh lư, tâm nĕ ntoh lư lah leo ƀư bôk nău kan  “Khay mom ndăm” năm 2022 n’hanh nău kan tâm rlong vơt rhơn Đại hội Đoàn TNCS Hồ Chí Minh ăp gâl, năm kan 2022-2027 geh ƀư ta ngih nti Tiểu học Lê Hồng Phong, xã Ia Trôk, nkuăl Ia Pa n’gor Gia Lai.

Tâm rnôk geh ƀư bôk nău kan lĕ pă an 135 nklâm ndơ an ăo oh kon  hoc, pă 1 nău kan ntŭk uănh răk săm ƀŭt, tâm mbơh nău kan n’hanh sinh hoạt đội” đah rnoh khlăy 50 rkeh prăk, pă an 2 mblâm ngih jay “Khăn quàng đỏ” an mom ndăm geh nău rêh jêr jŏt. Rlău ma nĕ, ntŭk kan lĕ geh ƀư âk ăp nău pah kan yor an ntŭk rêh jêng kơt lah: Pă an rlău 400 đơn vị mham tâm kơl, kơl an nar pah kan jan sa, nkra mhe trong ƀon, rdâk njêng ƀư ngih tâm rŏng, ăp nău kan kơl an tâm nău kan njrăng rdâng nuh srê Covid-19.

Nuĭh rblang: Thị Đoắt