VOV4.M’nông- Nar 17/5, ntŭk kan njrăng rdâng nău sôt rmanh Châu Á (AIP) tâm rgop đah rnâng kan mât đăp mpăn trong hăn n’gor Gia Lai ƀư bôk nău kan uănh năl nău geh lvang 2 bâh nău nchrăp kan “N’huch nău ngăch- ngih nti đăp mpăn” ta nkuăl ƀon têh Pleiku. Nău nchrăp kan geh ƀư ta nkuăl ƀon têh Pleiku n’gor Gia Lai bâh khay 7/2020 tât aƀaơ.

Tĭng nău uănh năl bâh wa lê Văn Hạnh- groi Giám đốc mât nău kan giao thông vận tải n’gor, groi kruanh rnâng kan mât đăp mpăn trong hăn n’gor Gia Lai, ăp ngih nti tiểu học ta nkuăl ƀon têh Pleiku lĕ mât đăp mpăn ăp nău mpŏng mpeh nău kan ngih nti đăp mpăn. Tĭng nĕ, ta nkual mpông lăp ngih nti tiểu học ta nkuăl ƀon têh Pleiku, ntŭk kan lĕ mbơh ƀư nău nchrăp kan lĕ nkra mhe, pơk hvi, rdâk njêng mhe rlău 800 rbăn mét vuông trong bê tông tŏ chai, bê tông xi măng, rdâk njêng rlău 200 mét vuông trong hăn jâng, an 136 ntŭk nchih nău mbơh hăn trong ta ăp nkual mpông lăp, ntop tor trong hăn, ntŭk mô an hăn ngăch...Ndrel đah nĕ lah ăp nău kan n’hao nău mĭn ntŭk rêh jêng n’hanh tâm rgop đah mpôl kan cảnh sát giao thông nkuăl ƀon têh Pleiku uănh nđôi, mât njrăng, rmal ăp nuĭh ƀư tih nău ntrŭnh mhe mpeh nău ngăch hăn trong ta nkual ngih nti.

Nuĭh rblang: Thị Đoắt