VOV4.M’nông – Ôi 14/6, ta nkual ƀon têh Pleiku, n’gor Gia Lai ƀư Rƀŭn nchră rnê nuĭh yŭr mham kơl êng năm 2022. Tĭng Ban ntĭm rđău rgŏ jă yŭr mham n’gor Gia Lai, bah bôk năm 2021 tât aƀaơ, n’gor lĕ rgŏ jă geh 125 rơh yŭr mham, wơt dơn bơi 24 rbăn đơn vị mham.

Gia Lai ƀư Rƀŭn nchră rnê rhơn nuĭh yŭr mham ŭch êng

Ăp rơh ƀư têh kơt “Lễ hội Xuân hồng”, “Nar lam ƀon lan yŭr mham ŭch êng”, “Ăp dak mham khay rlu ti”, “Hành trình đỏ”, wăch rgum hang rbăn rơh cán bộ, công chức, viên chức, đoàn viên druh ndăm n’hanh nuĭh ƀon lan Gia Lai râng. Bah aƀaơ tât dŭt năm 2022, n’gor Gia Lai nsrôih tay mât ƀa ƀơ ăp khay ƀư 3 tât 4 rơh yŭr mham, nkoch trêng, ndâk njêng ăp rmôt yŭr mham, ăp câu lạc bộ yŭr mham. Rơh aơ, UBND n’gor Gia Lai, Ban ntĭm rđău yŭr mham ŭch êng lĕ rnê nkhôm ăp nsum mpôl, êng nuĭh, n’hanh rnăk wâl geh âk tâm ntrong leo yŭr an mham.

Nuĭh rblang: Y Sưng Phê Ja