Nar 9/8, n’gor Gia Lai ƀư Tâm nchră đah n’gul năm kan bah Đảng bộ n’gor, gay ŭanh năl tĭng ƀư nghị quyết Đại hội tâl XVI, năm kan 2020-2025. Tĭng uănh  năl bah tâm nchră, tâm n’gul năm bah năm kan 2020-2025, wăng sa- rêh jêng kon nuĭh bah n’gor hôm âk jêr jŏt. Bol ma kơt nê̆, lĕ rngôch ndơ geh ƀư ta n’gor nha hao 9,1% rđĭl đah năm 2020, rlău rnoh 8,6% ma nghị quyết n’gluh. Tăch n’gluh bah n’gor, lơn lah tăch n’gluh ndơ tuch tăm geh trong mpơl ŭeh, năm bah kơi âk rlău năm bah năp, đah rĭng hao 6,92% ăp năm. 

Tâm nchră ŭanh năl sŏng ăp nkô̆ hôm khoah, mpăng đêt, nkô̆ tih bah du đêt cán bộ, đảng viên. Pah kan dăp rgum bah n’gor lvang năm 2021-2030, uănh ngai 2050 hôm mbrơi rđĭl đah trong nchrăp ndơ̆ luh. Ta tâm nchră, âk đại biểu hŏ geh nău nchrăp dăn đă, nsŏng kơl trong nkra gay ƀư lôch jêh ăp rnoh tât kan ma nghị quyết n’gor đảng bộ hŏ n’gluh. Tĭng wa Nguyễn Anh Dũng- Tỉnh uỷ viên, Bí thư Đảng uỷ, Giám đốc Sở Tài chính n’gor Gia Lai, tâm rnoh âk trong nkra n’gluh an n’gul bah kơi năm kan 2020-2025, n’gor ân ntop kơl lor an ăp doanh nghiệp, ntrôl dăng  ƀư njêng tăch rgâl./.