VOV4.M’nông -  Jêh 2 pơh ƀư an kon hŏk lĕ rngôch ăp gưl nti ta ngih sam ƀŭt, nău kan ntĭm nti n’gor Gia Lai kơp dơn rlău 1000 kon hŏk n’hanh nai ntưp Covid-19. Rnôk aơ, ăp ntŭk ntĭm nti n’gor mhe ƀư tĭng rjăp ăp nău njrăng n’gang srê nkre ƀư tĭng ngăch trong ntĭm n’hanh nti.

Nai n’hanh kon hŏk ta nkual ƀon têh Pleiku uănh duh săk lor rnôk mông nti

Aƀaơ, ăp ntŭk ntĭm nti ta n’gor mbơh ƀư tay tĭng nău đă bah nău kan dak si n’hanh ntĭm ntŭk ntĭm nti mpeh njrăng n’gang srê tâm ngih sam ƀŭt. Ăp nuĭh saơ F0 mbra ƀư dâl nkhah êng đah nuĭh ntưp n’hanh an ăp jrô geh F0 rgâl nti trực tuyến tâm du pơh. Tâm nar tât, tĭng ntĭm rđău bah n’gâng kan ntĭm nti, ăp ntŭk ntĭm nti nkoch trêng tay đah me bơ̆, kon hŏk gay tâm rgop nkre đăp mpăn njrăng n’gang srê, nkre mât nău ƀư ntĭm n’hanh nti.

Nuĭh rblang: Y Sưng Phê Ja