Tât aƀaơ mhe geh 1/3 rnoh neh aơ geh tăm tay bri n’hanh tơm si, yơn săk rnglăy mô hŏ geh. Bâh năm 2017, mbơh tơih nău nchrăp kan 1123 bâh UBND n’gor Gia Lai mpeh nău sŏk mplơ̆ neh bri rŭn in gay ma rgâl tơm tăm an tâm di đah nău ŭch tăm bri n’hanh tăm tơm si, 17 nkuăl, nkuăl têh, nkuăl ƀon têh tâm n’gor lĕ rgŏ jă bơi tât 20 rbăn rnăk ƀon lan mbơh tơih rnoh neh tăm bri taneh tăm bri, đah rnoh neh rlău 37 rbăn ha.

Tât aƀaơ, lĕ geh rlău 11 rbăn ha neh geh mplơ̆ sŏk geh tăm tay bri mô lah tơm si. Yơn lah, nău ngăn ta âk ntŭk, rnoh tơm bri rêh ê hŏ âk yor tơm ê hŏ tâm di n’hanh mô nă geh mât chăm. Nkô̆ nău ƀư an nău kan mô săk rnglăy lah yor rnoh neh bri geh rŭn in dŭt âk lah yor ƀon lan rnoi đê̆ ta rnoh rnăk nău rêh jêr jŏt lĕ pah kan tuch tăm ta nkual neh aơ jŏ hôm, rnôk rgâl tăm bri rĭ ƀon lan jêr ma đăp mpăn nău rêh. Ndrel đah nĕ, nău kơl an tăm bri n’hanh kơl an nkhôm bâh mât bri mô âk jêng nău kan mplơ̆ sŏk tay neh bri geh rŭn in n’hanh rgŏ jă ƀon lan tăm bri geh mâp âk nău jêr.