VOV4.M’nông- Rlău 1 pơh ba năp, rnôk wa Võ Ngọc Thành, Bí thư ban cán sự, kruanh UBND n’gor geh nglưh đảng, Ban cán sự Đảng UBND n’gor Gia Lai lĕ rƀŭn nchră, pă tay nău kan bâh ăp groi kruanh ta ntŭk kan aơ.

Tĭng nĕ, wa Đỗ Tiến Đông- groi kruanh rnâng kan UBND n’gor Gia Lai geh săch ƀư mât uănh lĕ rngôch, nău dơi kan bâh kruanh UBND n’gor. Wa Kpă Thuyên- groi kruanh UBND n’gor Gia Lai mât nău kan ntĭm đă ăp trong kan tuch tăm, ntŭk neh ntu, nău kan mpôl rnoi. Wa Nguyễn Thị Thanh Lịch, groi kruanh UBND n’gor mât nău kan, ntĭm đă ăp trong kan, văn hóa ntĭm nti, dak si rnoh nuĭh, nău kan phung chroh. Wa Phước Thành- groi kruanh UBND n’gor uănh mât ntĭm leo rmôt pah kan wăng sa lĕ rngôch, geh nău nchrăp, tơm prăk, công thương.

Nuĭh rblang: Thị Đoắt