Lơ 14/11, Ban Ntĭm rđău rgŏ jă yŭr mham ŭch êng n’gor Gia Lai n’glôch jêh trong kan yŭr mham ŭch êng năm 2023, mbơh ƀư trong nchrăp năm 2024. Tâm năm 2023, n’gor Gia Lai lĕ ƀư ăp rơh rgŏ jă n’hanh yŭr mham ŭch êng kơt: “Lễ hội xuân hồng”, “Nar lam ƀon lan yŭr mham ŭch êng 7/4”, nău kan “Ăp dak mham gŭr khay mih”, bôk nău kan “Hành trình đỏ”...

lĕ wăch rgum âk rbăn nuĭh râng rƀŏng tĭng. Lam n’gor Gia Lai lĕ ƀư geh 90 rơh yŭr mham ŭch êng, wăch rgum rlău 25.000 nuĭh dăn yŭr mham, wơt dơn geh rlău 18.700 đơn vị mham, geh 117% rnoh nău nchrăp. Tâm năm 2024, Ban ntĭm rđău rgŏ jă yŭr mham ŭch êng n’gor geh rnoh an rgŏ jă yŭr mham geh 17.000 đơn vị mham. Nkre, hun hao tay ăp câu lạc bộ yŭr mham ŭch êng, câu lạc bôk yŭr mham nchrăp lor n’hanh rmôt nkoch trêng rgŏ jă yŭr mham ŭch êng ta ăp nkuăl, ngih sam ƀŭt, công ty.