VOV4.M’nông- Kêng măng nar 30/8, Công an n’gor Gia Lai ƀư rơh mbơh nău ntrŭnh bâh n’gâng kan công an mpeh pă săch Trung tá Ksor H’Bơ Khăp mât nău kan groi Giám đốc công an n’gor Gia Lai. Yuh H’Bơ Khăp lah bu ur groi Công an nuĭh Jarai bôk năp bâh n’gâng kan công an Gia Lai. Ta rơh dơn nău kan, trung tướng Rah Lan Lâm- Giám đốc công an n’gor Gia Lai an gĭt, Trung tá Ksor H’Bơ Khắp deh năm 1982, ta ƀon tơm xã Ia Trok, nkuăl Ia Pa, n’gor Gia Lai, tốt nghiệp thạc sĩ chuyên ngành mât njrăng nuĭh tih.

Trung tá Ksor H’Bơ Khăp lĕ tă 16 năm mât leo âk nău kan ta nkuăl têh Ayun Pa kơt lah: Groi đội trưởng, groi kruanh Công an nkuăl, kruanh công an, lah nuĭh leo kan geh nău dơi, nău blău, tă gĭt âk nău kan, n’hao nău blău nơm tâm nău leo kan. Trung tá Ksor H’Bơ Khắp lah bu ur Groi giám đốc công an bôk năp ta Gia Lai. Dơn nău kan, yuh an gĭt, mbra geh n’hao tay nău dơi bâh công an nhân dân, mô rlu kơt nti, n’hao nău gĭt vât nơm gay ma ƀư lôch nău kan geh pă an.

Nuĭh rblang: Thị Đoắt