Mpôl kan dơi kan mhe kơl rêh 2 hê kon se geh khan nklang dak hoch thăng. Bar hê kon se ndăm ta buôn Enan, xã Ia Rsai, nkuâl Krông Pa, n’gor Gia Lai hŏ lap dơi kơl luh bah ntŭk klach rvê rnôk geh khan nklang dak hoch thăng. Kêng măng 2/8, 2 oh lah Rơ Ô H’Bái (14 năm deh) n’hanh Rah Lan H’Mơn (15 năm deh) hăn luh mir ri mâp mih têh.

Saơ dak hao têh ngăch, ăp kon se tâm jă re dak me Ea Rsai gay sĭt jay. Tât nklang dak ri ăp oh geh khan yơt nklang dak mô dơi hăn tay. Lôch tăng geh nău mbơh, Ban rđău đă njrăng n’gang trôk nar lơh- kơl joi nuĭh xã Ia Rsai hŏ rgum mpôl Công an xã ndrel đah du đêt druh ndăm tâm buôn Enan tât ntŭk kơl. Mpôl wơt kơl hŏ dŏng ao đông n’hanh rse gay rêng tât ntŭk bar hê oh geh khan. Lôch nău nsrôih âk, bar hê  oh hŏ dơi têk sĭt tât kơh đăp mpăn./.