Rơh thi THPT ngih dak năm aơ, lam n’gor Gia Lai lĕ geh rlău 15.200 kon hoc tât râng thi, tâm nĕ geh bơi tât 14.300 kon hoc nti phổ thông, 483 kon hoc ntĭm nti giáo dục thường xuyên, hôm e lah kon hoc thi tay.

Tâm lĕ rnoh kon hoc dăn thi geh rlău 14 rbăn kon hoc dăn lăp đại học, cao đẳng. Nchrăp an rơh thi, n’gor Gia Lai lĕ geh nău nchrăp kan đah 41 ntŭk thi ngăn n’hao 1 jrô nti đah năm 2022 n’hanh 17 ntŭk thi nchroh mbơh đah 652 jrô thi, rgum lĕ klâp ma 2500 cán bộ, nai nti, nuĭh kan tât râng sŏng dăng ta ăp rnâng kan bâh hội đồng thi. Wa Nguyễn Văn Long, groi Giám đốc ntŭk kan ntĭm nti n’gor Gia Lai an gĭt. Aƀaơ, ntŭk kan lĕ ntĭm đă ăp ngih nti ƀư lôch bôk nău kan ntĭm nti phổ thông tĭng di nău nchrăp.