VOV4.M’nông - Nar 28/6, N’gor ủy Gia Lai an Nău ntrŭnh mpeh nău ndâk njêng Ban ntĭm rđău njrăng n’gang sa khâm, sa ƀer bah n’gor. Tĭng nĕ, Ban ntĭm rđău geh 15 nuĭh, tâm nĕ, wa Hồ Văn Niên-Bí thư N’gor ủy, Kruanh HĐND n’gor Gia Lai ƀư kruanh Ban; wa Rah Lan Chung-Groi Bí thư N’gor ủy, Kruanh ban Nội chính n’gor ủy ƀư Groi kruanh ban Rnâng kan. Ban ntĭm rđău njrăng n’gang sa khâm sa ƀer n’gor geh nău kan tâm ôp tâm nchră, kơl Ban Thường vụ N’gor ủy ntĭm rđău n’hanh mbơh ƀư tĭng trong kan njrăng n’gang sa khâm, sa ƀer n’gor, tĭng Nău ntrŭnh mrô 67-QĐ/TW, nar 2/6/2022 bah Ban Bí thư mpeh gưl kan, nău kan, nău dơi mkra, n’gâng kan ƀĭt joet, trong ƀư pah kan, tâm boh kan ndrel bah ban ntĭm rđău njrăng n’gang sa khâm, sa ƀer gưl n’gor, nkual ƀon têh mpeh tâm Trung ương.

Nuĭh rlang: Y Sưng Phê Ja