VOV4.M’nông – Nar 8/9, Công an n’gor Gia Lai ƀư mbơh ndâk njêng n’hanh mpơl Văn phòng tâm ôp tâm ngơi njrăng, n’gang ma túy n’hanh nău tih dôih rlău n’har bri n’gor Gia Lai. Aơ lah văn phòng tâm ôp tâm ngơi tal 22 ta 15 n’gor geh n’har bri bah dak he. N’gor Gia Lai geh bơi 90 km trong n’har bri, kâng n’har n’gor Ratânkiri (dak Campuchia), geh Mpông n’har bri dak bah dih Lệ Thanh, 2 trong pơk, 6 trong jêt. Nkual n’har bri lah ntŭk njŭn ndơ̆ ndơ têh bah ăp trong tăch ma túy, ntŭk nkra ma túy, mpô mpa bri; tăch rwăt n’hanh ndơ̆ nuĭh hăn lăp gŭ mô tâm di.

Gia Lai: Ndâk njêng Văn phòng tâm ôp tâm ngơi njrăng n’gang ma túy n’hanh nău tih dôih rlău n’har bri

Yor nê, nău ndâk njêng văn phòng tâm ôp tâm ngơi gay nking n’gang nău ƀư bah ăp ntil nău tih aơ lah dŭt khlay. Năm tât, Văn phòng tâm ôp tâm ngơi Njrăng, n’gang ma túy n’hanh nău tih hăn rlău n’har bri n’gor Gia Lai mbra ƀư tâm nchră, tâm ban ŭch, ndâk njêng gay an sam ƀŭt ký ton mpeh kan ndrel đah Văn phòng ta n’gor Ratanakiri (dak Campuchia); nkre ntơm ndâk ƀư trong njrăng mpeh njrăng, n’gang ma túy n’hanh nău tih ta trong n’har bri ta ntŭk.

Nuĭh rblang: Y Sưng Phê Ja