VOV4.M'nông: Wa Nguyễn Văn Độ, Kruanh UBND xã Ia Me (nkuâl Chư Prông, n'gor Gia Lai) an gĭt, tâm măng 25/8, đơn vị hŏ tât ôp khâl n'hanh ntop kơl rnăk 2 hê nuĭh khĭt tă bah n'glaih chong khĭt. Bah năp nê, ôi 25/8, du mpôl 4 druh ndăm gŭ ta ƀon Xom, xã Ia Me lah: nô Kpă Tuyên (deh năm 1985), Siu Béo (deh năm 1992), Rơ Mah Đuôm (deh năm 1983), Rơ Mah Hoang (deh năm 1998) hăn luh mir ta dak me mpeh ƀon Đê Sơ, xã Ia Me.

Tât nklăp 2h 30 mnĭt kêng măng ndrel nar, trôk mih têh jêng lĕ 4 nuĭh lăp tâm chuanh mir nde mih. Rnôk dja, n'glaih chong ndal tâm nchuanh ƀư nô Kpă Tuyên n'hanh Siu Béo khĭt. Đuôm n'hanh Hoang lap mô geh rmanh đêt. Tăng mbơh nău lư, mpôl kan dơi kan ta ntŭk hŏ tât ntŭk n'glaih chong nsĭt săk 2 hê nuĭh khĭt njor tâp nkre geh trong ntop kơl. Dơi gĭt, rnăk 2 hê nuĭh khĭt geh nău rêh jêr jŏt da dê./.

Nuĭh rblang: Điểu Thân