VOV4.M'nông: Ôi 9/2, Ƀan đăp mpăn hăn ntung trong n'gor Gia Lai n'hanh mpôl kan dơi kan dôl ndăn ƀư bah khuch khat an tay rơh rlơt ndeh krit nji ƀư 6 nuĭh khĭt n'hanh 3 nuĭh rmanh. Ơm ôi ndrel nar, ndeh rdeng ndơ BKS 81C-111.25 rdeng bum blang tă bah Huỳnh Đức Nguyên (deh năm 1983, way gŭ ta phường Chi Lăng, nkual ƀon têh Pleiku, n'gor Gia Lai) ƀĭt hăn bah xã Hà Đông tât xã Đắk Sơ Mei (ndrel nkuâl Đắk Đoa). Tâm rnôk dôl hăn, ndeh si leng ndal tŭp tâm brŏng jru nklăp 70 mét. Rơh rlơt ndeh ƀư 6 nuĭh khĭt. Lôch tăng nău  lư, ăp mpôl kan dơi kan n'gor Gia Lai  ngăch hăn tât ntŭk rlơt, kơl nuĭh, rdeng nuĭh geh rmanh hăn săm ndal n'hanh nkra ntŭk rlơt, ôp uănh ƀư kloh nô nău tŭp rlơt ndeh./.  

Nuĭh rblang: Điểu Thân