Bol ma ăp ntŭk kan mro mbơh, nkah njrăng mpeh ăp nau ƀư mhe bah phung tih dôih công nghệ prêh, yơn lah, rơh êp aơ hôm âk ơm nŭih tâm Gia Lai geh roh hoch bah phung ƀư rlăm bah trong mạng.

Yuh Th. Du hê bu ur tâm Tây Sơn, nkual ƀon têh Pleiku mhe tât Jrâu kan mât đăp mpăn mạng ndrel njrăng phung tih dôih dŏng công nghệ prêh, Công an n’gor Gia Lai mbơh nau kan păng geh bu rlăm 160 rkeh. Bah aơ 2 nar, yuh ndơn điện thoại bu kuăl mơh păng geh bu ân nklâm ndơ yor bah năp nê tă rvăt ndơ bah siêu thị điện máy. Gay geh ndơn ndơ, bu đă yuh Th tải app Telegram tât điện thoại gay ma nơh mâp. Tĭng nau bu, yuh dŏng tâm ntŭk trong Link bu đă gay ma săch ndơ, đah du tŏ ntơm 10 rbăn tât 40 rbăn.

Rnôk geh dơi nau rnơm, bu đă yuh njoăl prăk âk gay ma ntuh kơl, nau săk rnglay geh ntơm 40-60%. Tâm lơ 11/5, yuh hŏ geh 10 tŏ dŏng tài khoản êng bah nơm gay ma njoăl rlau 160 rkeh tâm 2 tài khoản, jêh nê mơ gĭt păng geh bu rlăm. Dơi gĭt, ntơm bôk năm 2023, ta n’gor Gia Lai hŏ geh nŭih bu rlăm tât 3,5 rkeh prăk. Êp nau ƀư rlăm mhe, ăp nau rlăm ơm kơt lah ƀư jan lah công an gay ma mbơh nau tih, nkri khoá sim, khoá tài khoản, njoăl prăk gay ƀư kan, rlăm ƀư nŭih dak ba dih gay ma pă ân ndơ, jă nŭih tăch ndơ geh rnoh nkhôm âk, kuăl jă ntuh kơl, manh prăk online...kŏ geh ăp nŭih ƀư rlăm âk ri ma hôm geh âk nŭih geh bu rlăm ơm. Tâm năm 2022, rmôt mât đăp mpăn mạng n’gor Gia Lai ndơn geh 124 nau mbơh bu rlăm đah rnoh rlau 40 rmen prăk. Nŭih geh bu rlăm âk ngăn lah 10 rmen./.