Măng 4/8, Nar hội pâl n’aih nkuăl Kbang, n’gor Gia Lai ntơm geh ƀư. Đah âk nau kan văn hoá, hội chợ, âk nau ƀư, 3 nar rgum lah ntŭk njưh jâng bah âk mpưm bu năch tâm rnôk dŭt pơh. Nar rgum pâl n’aih nkuăl Kbang geh nau ƀư tăch ndơ bah 148 ndrơng ndơ lah ndơ tuch tăm tâm n’gor, kơt: ăp ntil sâm bri, sêt bri, dak sŭt, grăp macca, phe ônh, phe Sơ Pai, sur ônh...Êng nê, mra geh ƀư nau tur chĭng, ndâk tay ăp nau vay ơm bah rnoi Bahnar, rlong ƀư: tanh dông, tanh njuh, trah rup si.

Ngăn lah, ta aơ hôm geh âk nau ƀư hăn pâl n’aih tĭng trong nơm ŭch bah bu năch kơt lah hăn tâm leng dak K50, leng dak Hang Dơi, ntŭk nkah ơm-văn hoá “Căn cứ cách mạng Khu 10”, hăn ƀư nau kan pâl n’aih tâm ƀon rnoi Bahnar tâm ăp ƀon pâl n’aih Stor (xã Tơ Tung), ƀon Mơ Hra-Đáp (Xã Kông Lơng Khơng), ƀon Kon Bông (xã Đăk Rong)./.