Nar 3/7, ta Tâm nchră tâl 12, Ban Chấp hành Đảng bộ n’gor Gia Lai hŏ n’gluh du đêt nău dơn kan khlay tâm 6 khay kêng dŭt năm 2023. Tâm nê geh ăp nău dơn kan – trong nkra n’gluh ngăch tơm prăk ntuh kơl. Tĭng nău mbơh ta rnôk tâm nchră, rnoh ngăch hun hao wăng sa bah Gia Lai 6 khay aơ geh 5,54% rđĭl đah ndrel khay dja năm e nơh.

Ăp rnoh tât kan mpeh sŏk geh prăk ngân sách, ƀư njêng công nghiệp hao; rnoh doanh nghiệp đăng ký plơ̆ kan tay n’hanh rnoh âk trong nchrăp kan hao; nău kan pâl nđaih săk ntơr. Yơn lah, âk nkuâl ta Gia Lai dôl mâp âk jêr jŏt tâm trong sŏk prăk dŏng neh jêng tât mô tŏng prăk dŏng an ăp trong nchrăp ntuh kơl; mbrơi n’gluh an dŏng trong nchrăp dŏng neh; rnoh ngăch an ƀư ăp bôk nău kan gưl neh dak mbrơi ƀư. Êng tâm trong kan ntuh kơl, lĕ khay 6, n’gor mhe n’gluh geh 14% dơm. Aơ lah trong kan ma Ủy ban nhân dân n’gor Gia Lai n’hanh ăp n’gâng kan bah n’gor rgum an nkra lor tâm let năp tay. UBND n’gor Gia Lai hŏ njêng 3 rmôt pah kan gay hăn ôp uănh, ntrŭt ntrôl, nkra ngăch dĭl ăp nkô̆ nău ntoh luh.