VOV4.M’nông- Năm 2022, lĕ rnoh prăk ntuh kơl nsum ta Gia Lai lah 3.350 rmen prăk. Tât bôk khăy 5, n’gor lĕ pă an bơi tât 400 rmen prăk. UBND n’gor Gia Lai lĕ geh njêng rmôt kan ntrôl an hun hao tơm prăk ntuh kơl nsum năm 2022 yorr du hê groi kruanh UBND n’gor ƀư kruanh rmôt kan n’hanh Giám đốc ntŭk kan kế hoạch n’hanh đầu tư ƀư groi rmôt kan rnâng kan. UBND n’gor Gia Lai đă ntŭk kan kế hoạch đầu tư tâm rgop đah ăp ntŭk kan, n’gâng kan uănh nđôi ăp ntŭk kan, n’gâng kan mbrơi ƀư kan, pă prăk mbrơi gay ma geh naư ndơ̆ prăk an tâm di, nău đă leo kan ăp nkuăl, nkuăl têh ntĭm đă na nê̆, ngăch ndăn doh jăng ăp nău jêr jŏt, kŏ văk mpeh ntrơn ntŭk gŭ, tâm trok, ntŭk gŭ mhe, rmal ngăch nău tâm lah tâm phong, njêng nău tâm ban bâh ƀon lan tâm nău mbơh ƀư pah kan. Ndrel đah nuĭh tơm ntuh kơl ăp pơh geh nău mbơh tơih nău nchră kan, nău ngăch pă prăk bâh ăp nău nchrăp kan, ăp bôk nău kan.

Nuĭh rblang: Thị Đoắt