Di nkah nar tahen sôt rmanh, tahen khĭt, lơ 27/7, UBND n’gor Gia Lai hŏ sŏk dŏng rlau 1,5 rmen prăk gay ma ôp khâl ndrel pă nklâm ndơ ân ăp rnăk geh n’hâm ma cách mạng. N’gor Gia Lai rnôk aơ geh rlau 9000 nŭih geh n’hâm ma cách mạng dôl geh kơl an. Ƀư nau kan kơl an, UBND n’gor Gia Lai sŏk dŏng rlau 1,5 rmen prăk, ƀư hăn ôp khâl, pă nklâm ndơ ân ăp rnăk vâl geh dơi kơl, geh n’hâm ma cách mạng. Tâm nê, cán bộ rđau kan cách mạng, tahen sôt rmanh, nŭih geh n’hâm...geh ndơn rnoh ndơ 300 rbăn.

Ăp nŭih Mẹ Việt Nam janh dăng, tahen sôt rmanh rlau 81%, rnăk vâl geh băl mpôl lah tahen khĭt, geh nau rêh jêr jŏt geh ndơn nklâm ndơ lah 600 rbăn. Kŏ tâm rnôk aơ, rđau kan n’gor Gia Lai kŏ ƀư 19 rmôt hăn khâl 10 Mẹ Việt Nam janh dăng, ndrel du đê̆ rnăk vâl geh n’hâm ntoh lư đah rnoh 2 rkeh 500 rbăn. N’gor kŏ hŏ pă rlau 9000 nklâm ndơ bah Kruanh dak ân nŭih geh n’hâm ta Gia Lai./.