VOV4.M’nông – Ta năp năm nti mhe 2022-2023, nău kan ntĭm nti Gia Lai dôl ƀư tâm ban âk trong mkra tŏng ăp rnoh nai, ngăn lah nai bộ môn tâm bôk nău ntĭm nti phổ thông mhe đah ăp jrô nti, jrô 3, jrô 7 n’hanh jrô 10. Tĭng jêh uănh ngăn bah n’gâng kan ntĭm nti n’gor Gia Lai, năm nti 2022-2023 aơ, n’gor mô tŏng 3.414 nai kơp tĭng rnoh kon hŏk.

Gia Lai: rdâk nkra nu nău mô tŏng nai bah năp năm nti mhe

Gay tŏng ăp an năm nti mhe, ăp nkuăl, nkual têh, nkual ƀon têh ta Gia Lai dôl ƀư hợp đồng, săch mhe nai tiếng Anh; N’gâng kan ntĭm nti ƀư ntĭm nti ntop tay môn tin học n’hanh công nghệ gưl tiểu học đah ăp nai dơi tŏng ăp gay rhŏ nău kan ntĭm bah năp măt. Rlău ma nĕ, tĭng ntĭm rđău bah UBND n’gor Gia Lai, ăp ntŭk dôl tâm rgop đah nău kan ntĭm nti ntrôl ngăch nău rgum jrô nti, tâm rnglăp nsum ngih sam ƀŭt, dơh nơih ntĭm rđău.

Nuĭh rlang: Y Sưng Phê Ja