Kêng măng nar 26/4, Hội đồng đăp mpăn kloh uĕh ntŭk pah kan n’gor Gia Lai hŏ rgŏ jă tĭng khay kan mpeh đăp mpăn kloh uĕh pah kan n’hanh khay Công nhân năm 2023. Ta lễ rgŏ jă, Ban tổ chức hŏ kuăl jă ăp gưl công đoàn, ăp n’gâng kan, nsum mpôl, doanh nghiệp, tơm dŏng nuĭh kan tâm n’gor geh ăp nău kan na nê̆, ngăn ngăn tĭng khay kan mpeh đăp mpăn kloh uĕh ntŭk pah kan n’hanh khay Công nhân ƀư ntơm bah nar 1 tât 31/5. 

Ăp doanh nghiệp, ƀư rgum tĭng ƀư ăp nău kan mât chăm, rgâl uĕh ntŭk pah kan, njrăng n’gang tât rmanh pah kan n’hanh mât chăm ngăch dăng n’hâm suan an nuĭh kan, đăp mpăn săk rêh an nuĭh kan. Khay công nhân năm 2023 đah nkô̆ “Buăt nthoi công nhân, rdâk njêng mpôl kan”, Liên đoàn Lao động n’gor Gia Lai rgum ƀư ăp rêng kan mât chăm an đoàn viên, nuĭh kan kơt: kan nsum đah du đêt doanh nghiệp ƀư pla n’hơ n’hanh tăch ndơ kơl thuk an công nhân viên chức; ntop kơl, but săm, mbơh ăp nău ji mpeh mắt an nuĭh kan; leo ƀư ôp khâl,, ntop kơl công nhân viên chức, nuĭh kan ntưp nău ji jŏ bah, geh tât rmanh geh nău rêh jêr jŏt.