VOV4.M'nông: Ôi 1/6, Sở Văn hóa Thể thao n'hanh Pâl nđaih n'gor Gia Lai kan nsum đah ăp nhih pah kan geh tât ƀư ntơm pơk nar Olympic kon se n'hanh rgŏ jă lam ƀon lan nti re, njrăng n'gang rmok dak 2022. Ntơm pơk geh nău tât râng bah rlău 200 cán bộ, công chức viên chức, quân nhân, đoàn viên druh ndăm n'hanh ăp kon se nti  râng.

Tĭng Sở Văn hóa Thể thao n'hanh Pâl nđaih Gia Lai, rmok dak dôl lah nkô̆ nău dâk bôk năp ƀư jêng khĭt an kon se n'hanh druh ndăm rchong ta n'gor. Ntơm bah bôk năm 2021 tât aƀaơ, lam n'gor geh 39 tơ̆ rmok, ƀư 42 kon se nti khĭt, an tay nău rngot klâng mô bah tâm âk rnăk. Ta rơh lễ,  ăp kon se nti dơi mbơh gĭt n'hanh ntĭm nti ăp nkô̆: blău kơl rêh bôk năp rnôk geh rmok dak; ăp nău way bôk năp kơl nuĭh geh rmok...

Nuĭh rblang: Điểu Thân