VOV4.M’nông: Ôi 29/8, ta nkuăl ƀon têh Pleku, Ban Tuyên giáo n’gor uỷ Gia Lai tâm rgop nsum đah N’gâng kan công ty Tân cảng Sài Gòn, Quân chủng Hải Quân ƀư nau rgŏ jă tâm rlong “Joi gĭt mpeh dak lêng, gôl dak Việt Nam ndrel 40 năm nau tâm boh liên hợp quốc mpeh Luật dak lêng lêng năm 1982 (10/12/1982-10/12/2022)”. Rơh tâm rlong “Joi gĭt mpeh dak lêng, gôl dak Viêt Nam ndrel 40 năm Nau tâm boh Liên hợp quốc mpeh Luật dak lêng năm 1982”.

Geh ƀư tĭng nau kan trắc nghiệm online, geh 7 rơh, tâm 2 pơh du rơh, ntoch jong tât lơ 2/12 năm aơ. Nŭih geh rlong lah cán bộ, công chức, viên chức, đoàn viên, kon se nti, sinh viên, ăp rmôt tahen ndrel ăp kơl ƀon lan tâm lam dak. Rơh tâm rlong rgop nau ƀư prêh nau gĭt, nau ndơn bah ăp kơn ƀon lan, ngăn lah ăp rơh mom mpeh dak lêng, gôl dak Việt Nam ndrel nau kan, nau khlay bah dak lêng, gôl dak tâm nau kan ndâk njêng ndrel mât neh dak./.

Nŭih rblang: H’Thi