VOV4.Mnông- Wa Đoàn ngọc Có- groi Giám đốc ntŭk kan tuch tăm mât rong n’hanh hun hao ƀon lan n’gor Gia lai an gĭt, aƀaơ, lĕ rnoh neh tuch tăm ta n’gor Gia Lai lah rlău 550.590ha đah ăp ntil tơm tăm kơt lah: cà phê, cao su, tiu, tơm sa play, tơm ƀư dak si, ba, mbo, tao n’hanh biăp. Ăp năm dăch aơ, n’gâng kan tuch tăm mât rong n’gor Gia Lai nsĭt rnoh khlăy geh rlău 30 rbăn rmen prăk/năm, tâm nĕ, êng ta trong kan tuch tăm geh rlău 26.140 rmen prăk.

Gay ma njêng tay n’gâng kan tuch tăm an nâp nâl, ăp năm ba năp, n’gor Gia Lai lĕ rgâl bar pe jât rbăn ha tơm tăm mô geh săk rnglăy jêng hun hao ăp ntil tơm tăm tâm di lơn. Lam n’gor aƀaơ geh klâp ma 231 rbăn ha rnoh neh ăp ntil tơm tăm tĭng nău mpŏng, tâm rgop tăch rvăt. Tĭng wa Đoàn Ngọc Có, tâm let năp tay, n’gor geh mbơh ƀư âk trong kan gay ma n’hao nău khlăy ndơ tuch tăm, ngăn lah rgum tăch ndơ an dak bah dih.

Nuĭh rblang: Thị Đoắt