Ôi lơ 28/7, Ban Dân tộc n’gor Gia Lai ƀư nau rƀŭn tâm mâp măt, rnê đah nŭih geh bu rnơm ntoh lư tâm nkuăl rnoi mpôl đê̆ tâm n’gor Gia Lai năm 2021-2023. Tâm lam n’gor Gia Lai rnôk aơ geh 955 nŭih bu ranh ƀon, nŭih bu rnơm ntuh lư tâm nkuăl rnoi mpôl đê̆. Ƀư ueh nau kan, nau dơi bah nsum mpôl, nŭih geh bu rnơm tâm Gia Lai hŏ ƀư ueh nau kan, nau dơi bah nsum mpôl, nŭih geh bu rnơm tâm Gia Lai hŏ ƀư ueh nau kan bah nơm tâm nau bonh đă ƀon lan ƀư hun hao văng sa, rêh jêng, râng mât rnă njrăng đăp mpăn tâm nkuăl. Ngăn lah tâm năm 2021-2023, ăp nŭih bu rnơm tâm Gia Lai hŏ nsôih tâm rgop đah ăp ntŭk kan tâm dâng, nkoch trêng, bonh đă ƀon lan rgop, kơl an ngăn ân nau kan “Lam ƀon lan tâm rnglăp ndâk njêng nau rêh mhe, đô thị ueh” đah rlau 700 rmen prăk, pă rlau 132.000m2 neh ndrel rgop rlau 47 rbăn nar kan.

Êp nê, nŭih bu rnơm kơl an rlau 20 rbăn rnăk ach o rnoi mpôl đê̆ rgâl nau mĭn, nau kan tuch tăm, văng sa, rklaih ach o. N’gor Gia Lai ŭch tâm rơh tât, nŭih bu rnơm lŏ ƀư ueh lơn tay nau kan, nau rnơm bah nơm, bonh đă băl mpôl, nsum mpôl râng hun hao văng sa, rêh jêng, ndâk Đảng ndrel ntrong kan chính trị, mât rnă njrăng đăp mpăn, ndâk nau tâm rnglăp ăp rnoi mpôl./.