VOV4.M'nông: Mhe aơ rnoh khlay pring xăng, hŏ rgâl hŭch 3 tơ̆ mbro, yơn lah, rnoh khlay ăp ntil ndơ dŏng sa khlay ta Gia Lai hôm mât ta rnoh hao n'hanh mô hŏ geh mpơl jŭr thuk đŏng. Siêu thị Coopmark Pleiku an gĭt, ta năp nău tât mhe bah rnoh khlay pring xăng, ăp siêu thị hŏ kan nsum đah ăp nuĭh tơm pă an ndơ tăch gay geh trong nchrăp n'hŭch rnoh khlay tâm let năp tay an rmôt ndơ  dŏng sa khlay.

Gay mât kân ntŭk tăch rgâl, njrăng bah ăp nău tih pháp luật tâm nău kan tăch rgâl, nkre đăp mpăn ntŭk tăch ndơ, Cục Mât ŭanh ntŭk tăch rgâl ndơ n'gor Gia Lai ndrel ăp n'gâng kan dơi kan n'hao dăng hăn ôp uănh, groi nđôi ntŭk tăch rgâl. Lơn lah, đơn vị lor nchrăp uănh khlay ôp uănh ăp ntil ndơ dŏng khlay gay đăp mpăn nău geh an nuĭh dŏng sa, rgop mât đăp mpăn rnoh khlay ndơ tăch./.

Nuĭh rblang: Điểu Thân