VOV4.M’nông: Lơ 23/2, n’gor Gia Lai kơp dơn geh 662 nŭih ntưp ma srê Covid-19. Aơ lah rnoh nŭih ntưp âk ngăn tâm di nar tâm n’gor kơp ntơm sa ơm tât rnôk aơ. Tĭng nê, nkuăl ƀon têh Pleiku lah nkuăl geh srê âk ngăn bah n’gor. Ăp nkuăl geh rnoh nŭih ntưp âk ngăn jêh nê lah nkuăl Chư Păh (67 nŭih), nkuăl Kbang (58 nŭih), nkuăl Chư Prông (50 nŭih). Wa Nguyễn Đình Tuấn-Groi Giám đốc ƀư nau kan n’gâng kan dak si n’gor Gia Lai mbơh.

Nkô̆ nau tơm lah yor bah năp ndrel tâm rơh tết, nŭih tât n’gor Gia Lai âk ndrel geh âk nŭih mô njrăng yor tă geh chuh vắc xin. Bol ma rnoh ntưp srê Covid-19 âk, yơn rlau 94% rnoh nŭih ji mô geh jâk, rnoh nŭih jâk mô âk, rnoh nŭih khĭt đê̆. Ndri, kơp ntơm lơ 26/4/2021 tât 23/2/2022, n’gor Gia Lai kơp dơn geh 16.900 nŭih ntưp ma srê Covid-19. Rnôk aơ geh 45 nŭih khĭt ndrel hôm rlau 1.400 nŭih dôl săm tâm ngih dak si bah n’gor./.

Nŭih rblang: H’Thi