Di nkah 98 năm nar Báo chí cách mạng Việt Nam, kêng măng 19/6, UBND n’gor Dak Nông ƀư mâp măt ăp nŭih ƀư báo ndrel pă nau nkhôm báo chí n’gor tal 7 năm 2022. Aơ lah năm geh rnoh nau nchih râng rlong âk ngăn kơp ntơm sa ơm tât rnôk aơ, đah nau rgop măt 116 nau nchih báo chí bah 78 nŭih, rmôt nŭih nchih, pă 24 nau nchih rđil đah nau nkhôm năm e. Nau geh jêh nê, UBND n’gor Dak Nông hŏ ntrŭnh kơp dơn 54 nau nchih báo chí geh Giải Báo chí n’gor Dak Nông tal VII, năm 2022, tâm 5 ntil báo chí lah ntoh ngơi, ntoh rup, báo in, báo điện tử ndrel rup báo chí.

Wa Võ Ngọc Tú, Kruanh Hội nhà báo Dak Nông, Tổng biên tập Báo Dak Nông mbơh, ăp nau nchih báo chí n’gor tal VII geh âk nau rlong ndrel geh nau ueh lơn ăp năm ba năp nê. Nau ngăn lah, âk nau nchih hŏ ntoh nau dơi hăn ndrel bah báo chí đah nau kan ndâk tay, hun hao nau kan văng sa jêh rnôk bah srê Covid-19./.