VOV4.M'nông: Groi kruanh dak Võ Thị Ánh Xuân hŏ n'hơ kao si, mpoh nhang nkah gĭt Kruanh Hồ Chí Minh ta Nkual têl ơm yău gưl neh dak mha êng Kim Liên, nkuâl Nam Đàn, n'gor Nghệ An. Tâm mông nar huêng khlay, chŭn mbah, Groi kruanh dak Võ Thị Ánh Xuân ndrel mpôl hăn hŏ n'hơr an kao si, mpoh nhang, nkah gĭt, mpơl nuih n'hâm chŭn mbah, nkah gĭt dŭt n'hâm đah Kruanh Hồ Chí Minh - Kruanh rđău kan têh kuâng bah Đảng n'hanh ƀon lan he, nuĭh dăng janh rklaih luh rnoi nuĭh, danh nhân văn hóa ntoh lư, Wa hŏ an lĕ nău gĭt blău, du nău rêh an n'gâng kan rklaih luh rnoi nuĭh, rklaih luh giai cấp, yor ma đăp mpăn n'hanh rhơn răm rnoi nuĭh Việt Nam n'hanh ƀon lan lam ntŭr neh. Nchih tâm si nkah ndray ta Nkual têl ơm yău Kim Liên, Groi kruanh dak Võ Thị Anh Xuân nchih: “Chŭn mbah n'hanh nkah gĭt Wa, mon său du nău rêh ŭch kơt nti êng tĭng nău mĭn, nuih n'hâm, trong gŭ rêh Hồ Chí Minh; nsrôih nsum suan, du nuih n'hâm rdâk njêng Đảng he kloh uĕh, nâp dăng, rgop rdâk njêng neh dak nar lơn ma ndrŏng uĕh, gĭt blău; Ƀon lan he rhơn răm"./.

Nuĭh rblang: Điểu Thân