VOV4.M’nông – Nkhêp di nkah gĭt 47 năm nar rklaih đăp mpăn miền Nam, kơp dơn ngoăy neh dak (30/4), nar 17/4, Groi Kruanh dak Võ Thị Ánh Xuân lĕ tât su nhang, an nkao nkah gĭt ăp nuĭh tahen janh dăng lĕ khĭt ta Đền thờ liệt sỹ nkual têh Hoài Nhơn n’hanh khâl ăp rnăk wâl dơi kơl ta nkual têh Hoài Nhơn, n’gor Bình Định.

Groi Kruanh dak Võ Thị Ánh Xuân an ndơ an rnăk dơi kơl ta phường Hoài Thành nkual têh Hoài Nhơn

Tâm nău kan nkra rgâl mhe, Hoài Nhơn mât uĕh tay nău way ơm janh dăng, tâm rnglăp nsrôih n’hanh lap dơi wơt dơn ndơ rnê nkhôm “Anh hùng lao động” rơh rgâl mhe yor Kruanh dak an. Ndrel nar, Groi Kruanh dak Võ Thị Ánh Xuân lĕ tât khâl, ntrŭt đă n’hanh an ndơ ăp rnăk dơi kơl ta nkual têh Hoài Nhơn, n’gor Bình Định. Khâl ăp rnăk dơi kơl, Groi Kruanh dak ôp khâl đah nău rêh, nkre, đă n’gâng kan n’gor Bình Định ƀư uĕh lơn tay nău mât uănh ăp rnăk dơi kơl, nuĭh geh soan đah cách mạng.

Nuĭh rblang: Y Sưng Phê Ja