VOV4.M'nông: Tâm rnôk hăn khâl n'hanh pah kan ta n'gor Thừa Thiên Huế, ôi (3/8), Groi kruanh dak Võ Thị Ánh Xuân ndrel mpôl pah kan hŏ tât khâl n'hanh mpoh nhang ta Jay nkah ndray Kruanh Hồ Chí Minh n'hanh Jay Văn hoá Đại tướng Lê Đức Anh.

Tât khâl ta jay Nkah ndray Kruanh Hồ Chí Minh, mbrô 112 trong Mai Thúc Loan, nkual ƀon têh Huế, Groi Kruanh dak Võ Thị Ánh Xuân ndrel mpôl hăn hŏ chŭn mbah n'hơr an bah năp huêng têh Kruanh Hồ Chí Minh ndrel rnăk wâl Wa. Aơ lah jay Wa hŏ gŭ rêh, pah kan, kơt nti tâm 6 năm, ntơm bah năm 1895-1901. Ta aơ, nkah jru rơh kon se bah bu ndăm Nguyễn Tất Thành, lah ntŭk wa Hoàng Thị Loan, me Wa roh. Nkhêp geh rnôk dja, Groi kruanh dak Võ Thị Ánh Xuân pă an 200 rkeh prăk tât Prăk nkrem kơl an kon se n'gor Thừa Thiên Huế.

Nuĭh rblang: Điểu Thân