VOV4.M’nông – Ôi 23/8, ta Hà Nội, Groi Kruanh dak Võ Thị Ánh Xuân, Kruanh Hội đồng Bảo trợ Tơm prăk nkrem kơl kon se Việt Nam lĕ tât khâl, an ndơ an kon se rek mbung ta Ngih dak si Việt Nam-Cuba. Bah năm 1997, Tơm prăk kơl kon se Việt Nam lĕ rgŏ jă bôk nău kan “Yor bâr gơm kon se” gay ntop kơl prăk rek an kon se Việt Nam geh ntưp ăp nău rven rvon ta muh măt. Jêh 25 năm ntop kơl, kơp tât aƀaơ lĕ geh rlău 30 rbăn kon se ta lam dak dơi rek. Năm aơ, nchrăp mbra rek an 2 rbăn kon se ta ăp n’gor nkual yôk mpeh Bắc, Miền Trung, Tây Nguyên n’hanh Nam Bộ. Nchrăp tâm rơh aơ, ta ngih dak si Việt Nam-Cuba ƀư Operation Smiile mbra ntop kơl rek hot, ƀah ta yôi, môr ta măt an 800 kon se ăp n’gor mpeh Bắc. Lĕ rngôch prăk rek n’hanh ăp prăk êng kơt ngêt, sa gŭ âm, hăn nsong bah ăp oh dơi ntop kơl lĕ rngôch.

Nuĭh rlang: Y Sưng Phê Ja