VOV4.M’nông – Di Khay ƀư yor kon se, nar 15/6, ta nkuăl Thanh Hà, n’gor Hải Dương, Groi Kruanh dak Võ Thị Ánh Xuân, Kruanh Hội đồng Bảo trợ Prăk nkrem kơl kon se Việt Nam lĕ hăn khâl an ndơ ăp kon se geh nău rêh jêr jŏt ta ntŭk. Ta bôk nău kan, Groi Kruanh dak Võ Thị Ánh Xuân lĕ đêp rmên ntrŭt đă, chop khâl n’hanh ntoh măt ndrel nuĭh ntop kơl an 50 bôk ndeh wah jâng, 100 nklâm ndơ prăk kơl hăn nti an 150 kon se geh nău rêh jêr jŏt ta nkuăl Thanh Hà đah dĭng lĕ rlău 260 rkeh prăk.

Hôm Prăk nkrem Ntop kơl kon se Việt Nam an dĭng lĕ 100 bôk ndeh wah jâng, âk nklâm ndơ n’hanh ăp nklâm prăk kơl hăn nti đah dĭng lĕ rlău 1,3 rmen prăk an kon se geh nău rêh jêr jŏt ta Hải Dương. Bah bôk năm tât aƀaơ, Tơm prăk nkrem ntop kơl kon se Việt Nam lĕ rgŏ jă geh 20 rmen prăk gay ƀư ăp nău kan ngăn ngên kơl kon se geh nău rêh jêr jŏt: an prăk kơl hăn nti, ndeh wah jâng, n’hŭch sôt rmanh, njrăng dêr rmok dak, ntop kơl ăp ntŭk mbơh ƀư ăp nău kan Khay yor kon se...