Nkhêp di pah kan ta n’gor Bến Tre, kêng măng 13/4, Groi Kruanh dak Võ Thị Ánh Xuân lĕ tât khâl, an ndơ an rnăk dơi kơl, rnăk ach o n’hanh kon se geh nău rêh jêr jŏt ta nkuăl Mỏ Cày Nam (n’gor Bến Tre)-ƀon tơm bah phong trào Đồng Khởi 1960. Groi Kruanh dak Võ Thị Ánh Xuân lĕ đêp rmên ôp khâl mpeh nău rêh, gŭ âm bah nuĭh ƀon lan n’hanh nkoch nău răm rhơn rnôk uănh saơ ƀon tơm ntŭk tăm play đung nar lơ hun hao.

Groi Kruanh dak Võ Thị Ánh Xuân lĕ ntrŭt nsôr cán bộ n’hanh nuĭh ƀon lan Bến Tre lah nsum n’hanh nkuăl Mỏ Cày Nam mât uĕh tay nău way ơm Janh dăng bah nkual ƀon cách mạng “Ntŭk” bah phòng trào Đồng Khởi kăl e, tâm pah kan jan sa, ndâk njêng ƀon tơm nar lơ uĕh ndrŏng. Di rơh aơ, Groi kruanh dak lĕ an 50 nklâm ndơ an ăp rnăk ach o, rnăk geh nău rêh cách mạng, 200 nklâm prăk kơl hăn nti an ăp oh kon hŏk geh nău rêh jêr jŏt n’hanh 10 jay rŏng tâm kơl an ăp rnăk dơi kơl ta nkuăl Mỏ Cày Nam (n’gor Bến Tre).