VOV4.M'nông: Nar (18/8), Ủy viên Trung ương Đảng, Groi kruanh dak Võ Thị Ánh Xuân ndrel mpôl pah kan hŏ tât khâl n'hanh pah kan ta Pôih n'har bri Srêpôk, Uỷ ban nhân dân nkuâl Buôn Đôn n'hanh Trung đoàn cảnh sát cơ động Tây Nguyên, ta n'gor  Dak Lak da dê. Khâl, ôp uănh, rgŏ jă cán bộ Pôih n'har bri Srêpôk, Groi kruanh dak Võ Thị Ánh Xuân rnê âk nuĭh n'hâm tâm rnglăp, rlău dơi jêr jŏt ƀư lôch jêh nău kan bah cán bộ, tahen nkual n'har bri Dak Lak, n'gor geh ntŭk gŭ kan njrăng n'gang neh dak khlay mha êng bah nkual Tây Nguyên n'hanh bah lam dak.

Pah kan đah kruanh rđău kan nkuâl Buôn Đôn, Groi kruanh dak njrăng đă, rnoh rnăk ach o bah nkuâl hôm âk tât rlău 37%. Aơ lah nău mpet jâk đah nkuâl rnôk tĭng ƀư đăp mpăn rêh jêng kon nuĭh, hun hao jŏ jong...Groi kruanh dak đă nkuâl Buôn Đôn lah êng n'hanh Dak Lak lah nsum ân uănh khlay lơn tât pah kan jut jăng ji ngot n'hŭch ach o bah nkuâl./.

Nuĭh rblang: Điểu Thân