Ôi 14/4, Uỷ viên Rnâng kan rđau kan Trung ương Đảng, Groi Kruanh dak Võ Thị Ánh Xuân ndrel rmôt hăn kan bah Văn phòng Kruanh dak, rđau kan n’gor Bến Tre hŏ tât khâl, pă nklâm ndơ ân ăp rnăk geh nau kơl an cách mạng kăl e tâm nkuăl Giồng Trôm ndrel Ba Tri, n’gor Bế Tre. Tât khâl rnăk drâu Groi Thủ tướng Trương Vĩnh Trọng, Groi Kruanh dak ndrel rmôt hăn kan hŏ mpoh kthup nkah tât nŭih cán bộ, đảng viên leo trong lor, rđau kan rjăp, tâm dăch ma ƀon lan.

Groi Kruanh dak Võ Thị Ánh Xuân ôp khâl n’hâm soam wa Hồ Công Cẩn, ur drâu Groi Thủ tướng Chính phủ Trương Vĩnh Trọng ndrel rnăk vâl geh âk nau rhơn ndrel ueh lăng. Ndrel nar, Groi Kruanh dak Võ Thị Ánh Xuân ndrel rmôt hăn kan hŏ tât khâl, pă nklâm ndơ ân Mẹ Việt Nam janh dăng Phạn Thị Ren, tâm ấp Nhơn Quới, xã Mỹ Nhơn, nkuăl Ba Tri. Groi Kruanh dak ôp khâl n’hâm soan ndrel rhơn ân mê̆ rêh ueh m’ak đah rnăk vâl, kon sau./.