Nar ntri (24//4), Groi kruanh dak Võ Thị Ánh Xuân ndrel Mpôl đại biểu Quốc hội n’gor An Giang mâp cử tri bah năp rơh hop tâl 5, Quốc hội khoá XV, ta nkuâl Thoại Sơn n’hanh nkual ƀon têh Long Xuyên, n’gor An Giang. Nchih nkah n’hanh rnê ăp nău dơi ma n’gor An Giang, nkuâl Thoại Sơn n’hanh nkual ƀon têh Long Xuyên hŏ dơi geh tâm bah ri aơ, Groi Kruanh dak Võ Thị Ánh Xuân ŭch rŏng, tâm rnôk wăng sa lam ntŭr neh geh âk dơh uĕh jêr jŏt, tâm păch pêng kruanh rđău kan An Giang ân ndăn tay ăp ndơ ơm geh gay hun hao tuch tăm đăp mpăn ngăch, geh nău tam n’hanh nâp dăng  jŏ jong, njêng luh ăp rnoh khlay hao âk lơn, nsĭt geh bah nuĭh ƀon lan ân dơi n’hao geh.

Groi kruanh dak rđău đă, n’gor An Giang ân ntrôl ngăch ntuh kơl, nkre lah gay hao ngăch an nău hun hao, ma khlay lơn nê lah prăk gay hun hao wăng sa- rêh jêng kon nuĭh, wăch rgum ntuh kơl. Ân đăp mpăn rêh jêng kon nuĭh, nău rêh, nău kan an nuĭh ƀon lan, lơn lah ăp rmôt nuĭh geh dơh tât khuch”.