VOV4.M’nông: Di nkah 132 năm nar deh Kruanh Hồ Chí Minh, kêng măng 19/5, ta ntŭk kan Kruanh dak, Groi Kruanh dak Võ Thị Ánh Xuân hŏ mâp măt 60 ntoh măt druh ndăm ntoh lư gĭt blau rmôt ăp ntŭk kan tăch rgâl bah Trung ương. Aơ lah ăp nŭih ntoh lư ntoh măt ân rlau 100 rbăn druh ndăm rmôt ƀư nau kan tăch rgâl bah Trung ương tâm nau kan ntĭm nti ndrel pah kan tĭng nau mĭn, nau kan Hồ Chí Minh tâm lvang năm 2020-2022. Ntoh nau tâm nar mâp măt, Groi Kruanh dak Võ Thị Ánh Xuân đă Rmôt ăp ntŭk kan ƀư kan tăch rgâl Trung ương n’hao nau nkoch trêng đah âk nkô̆ nau, âk ntil, ŭch ăp druh ndăm geh nau blau, geh rnê nkhôm lŏ ƀư ueh ăp nau tă dơi geh, ntoh n’hao nuih n’hâm kan, geh nau ŭch, nau mpŏng hun hao gay lŏ rgop ân ntŭk ƀư kan tăch rgâl, rmôt nơm gŭ pah kan ƀa hin bah nơm, tâm di lah nŭih geh nuih n’hâm leo lor gay ăp đoàn viên druh ndăm kơt tĭng./.

Nŭih rblang: H’Thi