VOV4.M'nông: Tâm rnôk hăn râng pah kan râng Tâm nchră gưl têh bu ur lam ntŭr neh năm 2022 (GSW 2022) ta Thái Lan, Groi kruanh dak Võ Thị Ánh Xuân hŏ tât khâl n'hanh pah kan ta n'gor Udon Thani, mâp nuĭh ƀon lan he ta Thái Lan n'hanh khâl Nhih nti Khánh An. Ta rơh mâp, lôch rnôk djăt mbơh nô nău bah kônh wa tơm Việt ta Thái Lan, Groi kruanh dak  Võ Thị Ánh Xuân hŏ mpơl nău rhơn rngot dơi mâp kônh wa, rnê âk nuih n'hâm tâm rnglăp, tâm kơl nsum bah ƀon lan he gŭ dak bah dih, nuih n'hâm krêp dêh, rƀŏng sĭt ƀon tơm, neh dak, Groi kruanh dak Võ Thị Ánh Xuân hŏ mbơh nô nău tâm dak n'hanh ăp nău mpơl di ma rhơn, dôl tĭng kơn dâk hao tay jâng wăng sa lôch bah nuh srê Covid-19; lah rjăp Đảng n'hanh Ngih dak way uănh khlay tât mpôl nuĭh Việt Nam gŭ dak bah dih lah nsum n'hanh ƀon lan nuĭh Thái tơm Việt lah êng; ŭch rŏng Ban Chấp hành Hội nuĭh Việt Nam lam Thái Lan n'hanh Ban Chấp hành ăp hội đoàn nuĭh Thái tơm Việt mbra nar lơn ma n'hao uĕh nău khlay kan n'gâng tơm bah nsum mpôl, tŏng đah nău ŭch geh bah kônh wa tâm ăp nău kan tâm rnglăp, rgum kônh wa, ntĭm n'hanh nti tiếng Việt, rƀŏng sĭt ƀon tơm neh dak./.

Nuĭh rblang: Điểu Thân