VOV4.M’nông – Măng 31/7, ta n’gor Hòa Bình lĕ ƀư Bôk nău kan nghệ thuật “Hòa Bình-Thanh âm xứ mường”, wơt bằng kơp dơn 2 Di sản văn hóa mô mpơl săk ngih dak. Tri thức dân gian Lịch tre n’hanh lễ hội way ơm Ntơm jŭr lŏ bah rnoi Mường n’gor Hoa Bình. Râng bôk nău kan geh Groi Kruanh dak Võ Thị Ánh Xuân ndrel kruanh ăp n’gâng kan, nău kan Trung ương. Ntoh ngơi ta nar ƀư, Groi Kruanh dak an lah, đah nău rêh jêng bah jŏ ta Hòa Bình, nuĭh Mường lĕ geh âk drăp ndơ văn hóa mô mpơl săk, rgop ƀư ndrŏng tay ntŭk văn hóa bah 54 rnoi mpôl oh nô.

Groi Kruanh dak Võ Thị Ánh Xuân ntoh ngơi ta bôk nău kan.

Tâm nĕ Tri thức dân gian Lịch tre n’hanh lễ hội way ơm ntơm jŭr lŏ dơi rnê hao Di sản văn hóa mô mpơl săk ngih dak hăn ndrel đah trong nkra njêng lŏ mir ba lŏ. Groi kruanh dak mĭn lah, ăp nău khlay văn hóa aơ lah rse tâm boăt nthoi nsum mpôl, kơl kon nuĭh ta neh aơ rlet rlău jêr jŏt, ntŭl rlong gay nâp nâl hao jêng, ndâk njêng n’hanh hun hao ƀon tơm nar lơ ndrŏng uĕh.

Nuĭh rblang: Y Sưng Phê Ja