Nar 13/11, Groi Kruanh dak Võ Thị Ánh Xuân hŏ râng Nar rgum tâm rnglăp lam rnoi nuĭh ta nkual ƀon lan gŭ ấp Bà Chăng A, xã Châu Thới, nkuâl Vĩnh Lợi, n’gor Bạc Liêu. Groi kruanh dak Võ Thị Ánh Xuân mpơl nău rhơn rnôk saơ nău rêh bah nuĭh ƀon lan tâm ấp hun hao kloh, rĭng geh tĭng bôk nuĭh rlău 60 rkeh prăk/nuĭh/năm; ấp dơn hôm 2,49% rnăk ach o n’hanh 6,53% rnăk dăch kêng ach o; nô nău rnă njrăng chính trị, đăp mpăn lam rêh jêng kon nuĭh ta ntŭk đăp mpăn.

Groi Kruanh dak dăn đă gưl ủy, n’gâng kan, ăp nsum mpôl chính trị - rêh jêng kon nuĭh ta Bạc Liêu n’hao dăng pah kan nkoch trêng, n’hao nău gĭt êng mpeh ntŭk gŭ kan, nău khlay kan bah Mặt trận Tổ quốc Việt Nam tâm n’gâng kan rdâk njêng n’hanh mât njrăng neh dak. Ma ăp nău kan ngăn ngăn gay ntĭm nti nuih n’hâm rŏng dak, nău way ơm dăng janh, nău gĭt nsrôih ndôr êng, nău way ơm uĕh lăng bah rnoi nuĭh; lơn lah ân geh nău gĭt êng jru mpeh nău way ơm bah nkual neh n’hanh kon nuĭh Bạc Liêu, ndơ̆ nău nsing nơm nâp tâm nău hun hao bah neh dak, bah n’gor tâm ăp năm tât./.